Vinca Čepuļs

Latgolas laukūs

 

Latgola, dzimtine muna,

Ar tevi kūpā man byut.

Te mōtes volūdā runoj

Un tāvtāvu styprumu jyut.

 

Veļ stōv te kristeņš pi ceļa

Un aug veļ ceļmolā kļovs.

Ir yudins nu oluta smeļams,

Vyss te ir meils un sovs.

 

Lai kaidi laiki gōja,

Cik pūsteits, cik grūzeits ir,

Vēļ ir te zemnīku mōjas

Un bazneica kolnā vēļ mirdz.

 

Daudz te gryutuma pōrōk,

Tik zemnīks izdzeivōt prūt.

Kai variedams dzeivoj tōļōk,

Un Dīveņš spāku jam dūd.

 

Te vaļdeiba vīnmār ir tōli,

Un īrēdņu vysur ir daudz.

Gaida, kod īaugs vysszōlē,

Tai laukim paneikt teik ļauts.

 

Tik zemnīka gors ir speiteigs,

Tys dora vysu, kū spēj.

Naskrīn pa pasauli klīreigs,

Vōc ražu un rudzeišus sēj.

 

Mōras zemeite svāto,

Bogōta doba tev ir.

Lai teik te sakūptas sātas,

Ir jōgōdoi vysim nu sirds.

 

Ir jōsaprūt vaļdeibas saimei,

Tik maizē spāku var giut.

Un īrēdnim jōkolpoj laimei,

Lai laukūs var dzeiveiba byut.

 

Kod moksu par ražōtū moksōs

Laikā, cik vajadzeigs.

Laukūs lobōk toddzeivōs

Un zemnīks byus pateiceigs.

 

Adrese

Miera iela 4, Kruki, Silmalas pag., Rēzeknes nov., LV-4636

Kontaktinformācija

Darbalaiks

  • P:
  • O:
  • T:
  • C:
  • P:
  • S:
  • Sv:

Saites

kultūras karte Latvijas filmu bibliotēkas SĀC AR LATVIJU BIBLIOTĒKĀ Jaunā LNB Digitālā kolekcija www.periodika.lv